📌 FUQAROLAR MUAMMOLARI TINGLANDI

Xalq deputatlari Oqoltin tumani Kengashi deputati — Oqoltin tuman hokimi Xusnitdin Suvonov tomonidan Prezident Xalq qabulxonasida fuqarolar bilan yuzma-yuz muloqot o‘tkazildi. Unda 18 nafar fuqaroning murojaatlari tinglanib, ularni qiynab kelayotgan masalalar atroflicha o‘rganildi.

Murojaatlarda asosan kadastr, bandlik, moddiy yordam, ijtimoiy qo‘llab-quvvatlash va kommunal xizmatlar bilan bog‘liq masalalar ko‘tarildi. Ayrim murojaatlar joyida hal etilgan bo‘lsa, qo‘shimcha o‘rganishni talab qiladigan masalalar yuzasidan mas’ullarga aniq topshiriqlar berilib, ijro muddatlari belgilandi.

Muloqot davomida har bir murojaatning amaliy yechimini ta’minlash, berilgan topshiriqlarning o‘z vaqtida va sifatli bajarilishini nazorat qilish zarurligi ta’kidlandi. Fuqarolar murojaati e’tiborsiz qolmasligi, har bir masala bo‘yicha aniq natija bo‘lishi lozimligi qayd etildi.