Xalq deputatlari Zomin tuman Kengashining navbatdagi 21-sessiyasida Kengash kotibiyati mudiri M. G‘oibnazarovning “Xalq deputatlari Zomin tuman Kengashi tomonidan joriy yilning 6 oyi davomida yuborilgan deputat so‘rovlariga o‘z vaqtida javob berish holati to‘g‘risida”gi axboroti muhokama qilindi.

Axborotda deputatlar tomonidan yuborilgan so‘rovlarning mazmuni, ularning tegishli tashkilotlar tomonidan ko‘rib chiqilishi hamda belgilangan muddatlarda javob berilishi holati yuzasidan ma’lumotlar taqdim etildi.

Sessiya davomida deputat so‘rovlarida ko‘tarilgan masalalarning o‘z vaqtida va sifatli ko‘rib chiqilishi, aniqlangan muammolarni bartaraf etish hamda fuqarolar murojaatlarida ko‘tarilayotgan masalalarga amaliy yechim topish muhimligi ta’kidlandi.

Masala yuzasidan deputatlar tomonidan fikr va takliflar bildirilib, tegishli vazifalar belgilab olindi.