Xalq deputatlari Yangiobod tuman Kengashi raisi, deputat X. Tilakov tomonidan 16-sonli umumiy o‘rta ta’lim maktabining kuz-qish mavsumiga tayyorgarlik holati joyiga chiqqan holda o‘rganildi.

O‘rganish davomida maktab binosi va o‘quv xonalarining mavsumga tayyorgarligi, isitish tizimi va qozonxonaning holati, o‘quvchilar uchun issiq va qulay sharoit yaratish imkoniyatlari ko‘zdan kechirildi.

Shuningdek, isitish tizimining texnik sozligi, qozonxonaning mavsum davomida barqaror ishlashi, zarur yoqilg‘i — ko‘mir bilan ta’minlanganlik holati va mavjud zaxiralar masalalariga alohida e’tibor qaratildi.

Bundan tashqari, maktab hududining obodonlashtirilishi, ichki yo‘laklar va xavfsizlik holati ham ko‘rib chiqilib, kuz-qish mavsumida ta’lim jarayonini uzluksiz tashkil etish uchun zarur sharoitlarni ta’minlash masalalari muhokama qilindi.

O‘rganish yakunida qozonxona va isitish tizimini mavsumga to‘liq tayyor holatga keltirish, aniqlangan kamchiliklarni bartaraf etish hamda o‘quvchilar uchun zarur sharoitlarni ta’minlash yuzasidan tegishli tavsiyalar berildi.