Ijtimoiy reyestrga kiritilgan oilalar bilan manzilli ishlar olib borilmoqda

Xalq deputatlari Qiziltepa tumani Kengashi deputati Sh. Usmonova o‘z saylov okrugidagi Ijtimoiy reyestrga kiritilgan oilalar xonadonlarida bo‘lib, ular bilan yuzma-yuz suhbatlashdi.

Tashrif davomida oilalarning muammo va takliflari tinglanib, ularning ijtimoiy sharoiti, bandligi hamda daromadlarini oshirish imkoniyatlari o‘rganildi.

Aniqlangan muammolarni bartaraf etish, oilalar bandligini ta’minlash va aholi daromadlarini ko‘paytirish bo‘yicha zarur tavsiya va tushuntirishlar berildi.

Fuqarolarning bandligini ta’minlashga qaratilgan amaliy choralarni ko‘rish maqsadida tegishli tashkilotlar bilan hamkorlikda ishlar olib borilmoqda. Har bir oilaning mavjud imkoniyatlari va ehtiyojlaridan kelib chiqib, ularni munosib ish bilan ta’minlash hamda barqaror daromad manbalariga ega bo‘lishiga ko‘maklashish choralari ko‘rilmoqda.