Tadbirda Xalq deputatlari Sardoba tumani Kengashi deputati G.Suvonqulova ishtirok etib, yoshlar bilan ochiq muloqot olib bordi.
Targ‘ibot tadbiri davomida o‘quvchilarga giyohvandlik va psixotrop moddalarning inson salomatligi, jismoniy va ruhiy holatiga salbiy ta’siri, shuningdek, ularning noqonuniy muomalasi bilan bog‘liq huquqiy javobgarlik haqida tushuntirishlar berildi.
Shu bilan birga, yoshlarni bo‘sh vaqtlarini mazmunli tashkil etish, sport bilan shug‘ullanish, kitob mutolaasi va turli foydali mashg‘ulotlarga jalb etish, sog‘lom turmush tarziga amal qilishning ahamiyati alohida ta’kidlandi.
Tadbir davomida o‘quvchilar o‘zlarini qiziqtirgan savollarga mutaxassislar va mas’ullardan javoblar oldilar. Yoshlar zararli odatlardan yiroq bo‘lish, o‘z salomatligi va kelajagiga mas’uliyat bilan yondashish hamda giyohvandlik kabi illatlarga nisbatan murosasiz munosabatda bo‘lishga chaqirildi.
Bunday targ‘ibot tadbirlari yosh avlodni turli zararli illatlardan asrash, ularning huquqiy va tibbiy savodxonligini oshirish hamda jamiyatda sog‘lom turmush tarzini keng targ‘ib etishda muhim ahamiyat kasb etadi.