Mahalla ichki ko‘cha yo‘llari holati, ko‘chalarni tunda yoritilishi, avtomobil yo‘llaridagi tirbandliklar, yo‘l transport hodisalari ko‘p sodir bo‘layotgan joylarda YTHlarni kamaytirishga qaratilgan chora-tadbirlar o'rganildi

📍 Xalq deputatlari O‘rta Chirchiq tuman Kengashi deputati K.Djumanazarova hamda tuman Kengashi kotibiyati bosh mutaxassisi Sh.Eshov tomonidan “Yuqoriovul” mahallasidagi ichki avtomobil yo‘llarining holati o‘rganildi.

🚦 O‘rganish davomida mahalla hududida transport vositalari harakatining zichligi, tirbandliklar yuzaga kelayotgan joylar, shuningdek, yo‘l-transport hodisalari ko‘p sodir bo‘layotgan hududlar tahlil qilindi.

🚧 Yo‘l harakati xavfsizligini ta’minlash, avariya xavfi yuqori bo‘lgan nuqtalarda YTHlarning oldini olish, haydovchilar va piyodalar uchun xavfsiz harakatlanish sharoitlarini yaratish borasida amalga oshirilayotgan ishlarning samaradorligiga e’tibor qaratildi.

🔰Ichki avtomobil yo‘llarining ta’mirlanganlik holati, yo‘l belgilari va piyodalar xavfsizligini ta’minlovchi infratuzilmalarning mavjudligi hamda ularning holati ko‘zdan kechirildi. Aniqlangan muammolar yuzasidan mas’ul tashkilotlar bilan hamkorlikda tegishli choralarni ko‘rish masalalari muhokama qilindi.

✅Xalq deputatlari O'rta Chirchiq tuman Kengashi kotibiyati axborot xizmati!