Xalq deputatlari Pastdarg‘om tumani Kengashining doimiy komissiyalari faoliyatini yanada jonlantirish, ularning ish samaradorligini oshirish hamda biriktirilgan tashkilotlar bilan hamkorlikni kuchaytirish bo‘yicha amaliy ishlar davom etmoqda.

Mazkur vazifalarni samarali tashkil etish maqsadida Xalq deputatlari Pastdarg‘om tumani Kengashi kotibiyati mudiri hamda kotibiyat xodimlari doimiy komissiyalarga biriktirilgan.

Shunga ko‘ra, kotibiyat bosh mutaxassisi V.Ro‘ziyev Ijtimoiy soha, yoshlar siyosati, sport va madaniyat masalalari bo‘yicha doimiy komissiyaga biriktirilgan.

Belgilangan hamkorlik doirasida mazkur doimiy komissiya a’zosi S.Djumanova tomonidan tuman «Tez yordam» tashkiloti faoliyati o‘rganildi.

O‘rganish davomida tashkilotning faoliyat yuritish holati, aholiga tez tibbiy yordam ko‘rsatish sifati, mavjud muammolar hamda ularni bartaraf etish bo‘yicha amalga oshirilayotgan ishlar tahlil qilindi.