Xalq deputatlari Xorazm viloyati Kengashi deputati F.Sadullayeva hamda viloyat Kengashi kotibiyati mudiri U.Kuryazov o‘zlariga biriktirilgan tashkilotlar bilan hamkorlikni yanada mustahkamlash, ijro organlari faoliyatining ustuvor vazifalarini belgilash va istiqboldagi yo‘nalishlarini muhokama qilish maqsadida O‘zbekiston Iste’molchilar huquqlarini himoya qilish jamiyatlari federatsiyasi Xorazm viloyati hududiy boshqarmasida navbatdagi uchrashuv o‘tkazdi.

📊 Uchrashuvda sohada amalga oshirilayotgan ishlar va hududdagi xizmat ko‘rsatish obyektlari faoliyati yuzasidan ma’lumot berildi. Ta’kidlanganidek, bugungi kunda Xorazm viloyatida 304 ta mehmonxona faoliyat yuritmoqda. Shundan 231 tasi Xiva shahrida joylashgan. Shuningdek, viloyatda 1 234 ta umumiy ovqatlanish shoxobchasi aholiga va sayyohlarga xizmat ko‘rsatmoqda.

💬 Tomonlar iste’molchilar huquqlarini ishonchli himoya qilish, xizmatlar sifati va servis madaniyatini oshirish, murojaatlar bilan tizimli ishlash hamda jamoatchilik nazoratini kuchaytirish masalalari yuzasidan fikr almashdilar.

✅ Uchrashuv yakunida yil oxiriga qadar hamkorlikdagi nazorat tadbirlarini izchil davom ettirish, aniqlangan muammolarni bartaraf etish va iste’molchilar manfaatlarini himoya qilish borasidagi ishlarni yanada kuchaytirishga kelishib olindi.