Shu maqsadda Xalq deputatlari Termiz shahar Kengashi kotibiyati mudiri A.Ashurov, Kengashning 21-“Jo‘yjangal” saylov okrugi deputati G.Xudaykulova hamda kotibiyat bosh mutaxassisi A.Temirov tomonidan saylov okrugi hududiga qarashli “Jo‘yjangal” mahallasida amalga oshirilayotgan keng ko‘lamli qurilish va obodonlashtirish ishlari o‘rganildi.
O‘rganish jarayonida O‘zbekiston Respublikasi Prezidentining 2026-yil 5-fevraldagi PQ-49-sonli qarori ijrosi doirasida mahallada aholi turmush sharoitini yaxshilash, hudud infratuzilmasini rivojlantirish va obodonlashtirishga qaratilgan chora-tadbirlarning amalga oshirilish holati ko‘rib chiqildi.
Mazkur jarayonda Termiz shahar hokimi o‘rinbosari B.Ergashov hamda O‘zbekiston mahallalari uyushmasi Termiz shahar bo‘limi boshlig‘i F.Abdumannotov ham ishtirok etdilar.
Qaror doirasida mahallada qator muhim loyihalarni amalga oshirish belgilangan bo‘lib, jumladan, 1,2 kilometr ichki yo‘llarni asfaltlash, 2 kilometr piyodalar yo‘laklarini barpo etish, aholi xonadonlarini sifatli elektr energiyasi bilan ta’minlash maqsadida 2 kilometr yangi elektr tarmog‘i tortish, 2 ta transformator o‘rnatish, 0,4 kilometr lotok qurish hamda 130 ta zamonaviy tungi yoritish chiroqlarini o‘rnatish kabi ishlar rejalashtirilgan.
Nazorat-tahlil jarayonida amalga oshirilayotgan ishlarning sifati, belgilangan vazifalarning ijrosi hamda hudud aholisi uchun yaratilayotgan qulayliklar holatiga alohida e’tibor qaratildi.
Shuningdek, deputat mahalla vakillari va aholi bilan uchrashib, ularning kundalik hayotida uchrayotgan muammo va takliflarini tingladi. Fuqarolar tomonidan bildirilgan murojaatlar tegishli tartibda murojaatlar daftariga qayd etilib, ularni hal etish bo‘yicha zarur choralar belgilandi.
Aholi bilan doimiy muloqotda bo‘lish, muammolarni joyida o‘rganish va ularning yechimiga ko‘maklashish deputatlik faoliyatining muhim yo‘nalishlaridan biri hisoblanadi.
Deputatlik nazorati — hududlarni rivojlantirish, qabul qilingan qarorlar ijrosini ta’minlash va aholi manfaatlarini himoya qilishning samarali mexanizmidir.