Xalq deputatlari Pastdarg‘om tumani Kengashi deputati Bahodir Ochilov tomonidan yuborilgan takroriy deputat so‘rovi asosida Qushchinor mahallasi Oltin vodiy qishlog‘i hududidagi yuqori kuchlanishli elektr uzatish tarmog‘i tayanchlari mutaxassislar tomonidan joyiga chiqib qayta o‘rganildi.

🔍 O‘rganish natijasida mazkur tarmoqdagi 2 dona tayanchning texnik holati qoniqarsiz ekani, ulardan ikkitasi egilganligi sababli fuqarolar xavfsizligi nuqtayi nazaridan zudlik bilan texnik chora ko‘rish zarurligi aniqlandi.

⚡️ Shu munosabat bilan, nosoz tayanchlarni yaqin kunlarda vaqtinchalik mustahkamlash (tirgak o‘rnatish) ishlari amalga oshirilishi, shuningdek, ularni yangi temir-beton tayanchlarga almashtirish ishlari korxonaning tasdiqlangan ta’mirlash rejasi asosida eng qisqa muddatlarda bajarilishi rejalashtirilgani ma’lum qilindi.