📍 Доимий комиссия доирасида амалий ўрганиш ўтказилди

Туманда ижро этувчи ҳокимият органлари ва ташкилотлари билан ўзаро ҳамкорликни мустаҳкамлаш, ижтимоий соҳадаги долзарб масалаларни ўз вақтида аниқлаш ҳамда уларни ҳал этиш бўйича амалий чора-тадбирларни мувофиқлаштириш мақсадида Халқ депутатлари Конимех туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси аъзоси Кунсулу Нармуратова ҳамда Кенгаш котибияти бош мутахассиси Гулзода Умарова доимий комиссияга бириктирилган Ўзбекистон маҳаллалари уюшмасининг Конимех тумани бўлимида бўлдилар.

Ташриф давомида бўлим томонидан маҳаллаларда ижтимоий барқарорликни таъминлаш, аҳоли мурожаатлари билан ишлаш, эҳтиёжманд оилаларни қўллаб-қувватлаш, ёшлар ва хотин-қизлар билан манзилли ишлаш, шунингдек, давлат дастурлари ва ижтимоий лойиҳалар ижросини таъминлаш борасида амалга оширилаётган ишлар билан яқиндан танишилди.