Búgin Taxtakópir rayonı Jaslar orayında "Watan, doslıq hám baxıtlı balalıq ushın!" súreni astında keń kólemli "Sárdarlar forumı" joqarı dárejede shólkemlestirildi.
Bul forum Xalıq deputatları rayonlıq Keńesine ÓzLiDEP partıyasınan deputat Nurǵabulov Qurmanǵazı Saparovich,Taxtakópir rayonı Jaslar isleri bólimi hám rayonlıq Ishki isler bólimi menen birgelikte ótkerilip, onda barlıq máhálle  sárdarları belsene qatnastı.
Forum dawamında “Basshı hám sárdarlar” ushırasıwı shólkemlestirilip, jaslar menen ashıqtan-ashıq sóylesiw alıp barıldı. Sonday-aq, motivaciyalıq seminar-treningler hám "Zakovat" intellektuallıq oyını ótkerilip, qatnasıwshılardıń bilimi hám pikirlewi sınaqtan ótkerildi.
Ilaj dawamında intakerligi, jetekshilik qábileti hám úlgili jumısı menen ajıralıp turǵan eń belsendi máhálle hám rayon sárdarları múnásip xoshametlendi.