🗓2026-yil 10–13-mart kunlari uchun belgilangan haftalik ish rejasiga muvofiq, Xalq deputatlari Amudaryo tumani Kengashi tomonidan qator muhim tadbirlar, o‘rganishlar va uchrashuvlar tashkil etildi.

🔹 Doimiy komissiya yig‘ilishi o‘tkazildi

Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya yig‘ilishida tuman hokimi o‘rinbosari F.Yusupov tomonidan hokimlik zaxirasidagi yer maydonlarini suv bilan ta’minlashni yaxshilash hamda ularni foydalanishga kiritish yuzasidan amalga oshirilayotgan ishlar bo‘yicha hisoboti tinglandi.

🔹 Deputatlar ijtimoiy obyekt faoliyatini o‘rgandi

Deputatlar tumandagi maktablardan birida bo‘lib, o‘quvchilar uchun yaratilgan sharoitlar, kutubxona, kompyuter xonalari, sport zali hamda sport anjomlari holati bilan yaqindan tanishdi.

🔹 Deputatlik guruhi yig‘ilishi

Xalq demokratik partiyasi deputatlik guruhi yig‘ilishida Prezidentning 2025-yil 6-maydagi PF–76-son Farmoni ijrosi doirasida ta’lim tizimida amalga oshirilayotgan ishlar ko‘rib chiqildi.

🔹 Mahalla yettiligi faoliyati o‘rganildi

Deputatlar Navoiy nomli mahalla fuqarolar yig‘inida “mahalla yettiligi” faoliyati bilan tanishib, ijtimoiy xizmatlar ko‘rsatish, xotin-qizlar bilan ishlash hamda kam ta’minlangan oilalarni qo‘llab-quvvatlash borasidagi ishlarni o‘rgandi.

🔹 Doimiy komissiya yig‘ilishi

Reglament va deputatlik odob-axloqi masalalari bo‘yicha doimiy komissiya yig‘ilishida Jo‘qorg‘i Kenges Raisining farmoyishi hamda deputatlarning saylovchilar oldida axborot berish reja-jadvalini tasdiqlash masalalari muhokama qilindi.

🔹 Deputatlik nazorati olib borildi

Deputatlar mahallalarda bo‘lib, “mahalla yettiligi” faoliyati, bandlikni ta’minlash, yoshlar bilan ishlash hamda ehtiyojmand oilalarni qo‘llab-quvvatlash borasidagi ishlar samaradorligini o‘rgandi.

🔹 Aholi bilan uchrashuvlar o‘tkazildi

Sayyor qabul davomida deputatlar aholiga hududlarda amalga oshirilayotgan islohotlar, ijtimoiy soha, ta’lim, sog‘liqni saqlash va infratuzilma loyihalari haqida ma’lumot berib, fuqarolarning murojaat va takliflarini tingladi.

🔹 Deputat so‘rovi natija berdi

Deputat Ulug‘bek Abduraxmanov tomonidan yuborilgan deputat so‘rovi asosida tumandagi ayrim ichki yo‘llarda ta’mirlash va tekislash ishlari amalga oshirildi.

🔹 Deputatlar shanbalikda faol qatnashdi

“Yurt farovonligi, avvalo mahalladan boshlanadi” shiori ostida o‘tkazilgan umumxalq shanbaligida deputatlar ham faol ishtirok etib, hududlarni obodonlashtirish va tozalash ishlariga hissa qo‘shdilar.

✅ Hafta davomida amalga oshirilgan ushbu tadbirlar hududni ijtimoiy-iqtisodiy rivojlantirish, aholi muammolarini o‘rganish hamda deputatlik nazoratini kuchaytirishga xizmat qilmoqda.