Og‘ir ijtimoiy ahvoldagi fuqarolarni qo‘llab-quvvatlash bo‘yicha samarali chora-tadbirlar amalga oshirilmoqda.

📌Jamiyatda ijtimoiy himoyaga muhtoj aholi qatlamlarini qo‘llab-quvvatlash, ularning bandligi va ijtimoiy faolligini ta’minlashga qaratilgan keng ko‘lamli islohotlar izchil davom etmoqda.

🔹Shu maqsadda og‘ir ahvolga tushib qolgan oilalarni aniqlash, ularni “Temir daftar”ga kiritish, hisobini yuritish hamda zarur yordam choralarini belgilash ishlari amalga oshirilmoqda.

🔹Bu jarayonda turli yo‘nalishdagi ijtimoiy yordamlar nazarda tutilgan bo‘lib, jumladan:

🔹ijtimoiy loyihalarni amalga oshirish uchun grantlar ajratish;

🔹jarrohlik amaliyoti yoki davolanish xarajatlarini qoplash;

🔹oziq-ovqat, kiyim-kechak va boshqa zarur tovarlar bilan ta’minlash;

🔹turar joy ijarasi yoki ta’mirlash xarajatlarini qoplash;

🔹kommunal xizmatlar va yoqilg‘i xarajatlarini qoplash hamda

🔹tabiiy ofatlar natijasida zarar ko‘rgan uy-joylarni tiklash ishlarini moliyalashtirish kabi yo‘nalishlar qamrab olingan.

🔹Shuningdek, nogironligi bo‘lgan shaxslar va ularning oilalari uchun ham qator qulay imkoniyatlar yaratilgan. Jumladan, turar joylarda pandus yoki ko‘tarish moslamalari o‘rnatish, onlayn-auksion orqali yer uchastkasini xarid qilish bilan bog‘liq xarajatlarni qoplash imkoniyati ham nazarda tutilgan.

🔹Shu munosabat bilan xalq deputatlari Oqdaryo tuman Kengashi kotibiyati mudiri D.Adilova hamda 4-Amir Temur saylov okrugi deputati D.Yusupovlar “Amir Temur” mahallasidagi ijtimoiy xodim faoliyati bilan tanishdilar. Ushbu jarayonda tuman tibbiyot muassasalari xodimlari bilan hamkorlikda ishlash masalalari ham o‘rganildi.

🔹Bunday tashabbuslar aholi bilan yaqin hamkorlikni yo‘lga qo‘yish, ularning hayot sifatini oshirish va jamiyatda ijtimoiy adolatni ta’minlashga xizmat qiladi.