Qaraózek rayonı "Qutlı mákan" mákan puqaralar jıyınında jaylasqan kóp qabatlı turaq jaylarda jasawshı puqaralar menen ushırasıw ótkerildi. Ushırasıwǵa aymaqtan saylanǵan deputat Q.Jaqsımuratov hám máhálle, rayonlıq qurılıs hám úy-jay kommunal xojalıǵı bólimi wákilleri qatnastı. Ushırasıwda deputat tárepinen Ózbekstan Respublikası Prezidentiniń 2026-jıl 5-fevraldaǵı "Kóp kvartiralı turaq jaylardı basqarıw sistemasın jánede jetilistiriw boyınsha qosımsha is-ilajlar haqqında"ǵı PQ-48-sanlı qararı tiykarında jergilikli Keńes sessiyası sheshimine tiykar turaq jaylarda islenetuǵın qurılıs, rekonstrukciya jumısları hám belgilengen ilajlar haqqında maǵlıwmat berildi. 

Bunnan soń aymaq turǵınlarınıń usınıs hám múrajatları úyrenilip, orınlanıwı deputatlıq qadaǵalawǵa alındı. Ushırasıw dawamında qatnasıwshılarǵa tiyisli taraw wákilleri tárepinen Ózbekstan Respublikası Ministrler Kabinetiniń 2025-jıl 24-oktyabr kúngi 673-sanlı qararı tiykarında kóp qabatlı úylerdi izolyaciya qılıw, quyash panellerin ornatıw hám energiya tejewshi qurılmalar qurıw ushın subsidiyalar hámde jeńilletilgen kreditler ajıratıw mexanizmleri, jeńillikler hám imkaniyatlar haqqında maǵlıwmatlar berildi.