Mahalliy budjet mablag‘lariga oid masalalar sessiya oldidan o‘rganildi

Xalq deputatlari Taxiatosh tumani Kengashi kotibiyati bosh mutaxassisi A.Aymbetov tomonidan navbatdagi sessiyada ko‘rib chiqilishi rejalashtirilgan moliyaviy masalalar yuzasidan dastlabki o‘rganish ishlari olib borildi.

🔎 O‘rganish doirasida quyidagi masalalar ko‘rib chiqildi:
▪️ Tuman 2026-yil mahalliy budjetining 2-chorakda ortiqcha bajarilgan qismi hisobidan mablag‘ ajratish;
▪️ “Infratuzilma va ijtimoiy barqarorlik” jamg‘armasi hisobidan mablag‘ ajratish;
▪️ Taxiatosh tumani mahalliy budjetining maqbullashtirilgan mablag‘larini yetishmayotgan ish haqi xarajatlariga yo‘naltirish.

📑 Jarayonda mas’ullar bilan tegishli hujjatlar, moliyaviy ma’lumotlar va mablag‘larni yo‘naltirish bilan bog‘liq masalalar yuzasidan fikr almashildi.

📌 O‘rganish natijalarini umumlashtirish hamda Kengash raisi va Kengash kotibiyati mudiriga taqdim etish belgilandi.

🏛 Moliyaviy masalalarni sessiya oldidan batafsil o‘rganish budjet mablag‘laridan foydalanishga oid takliflarni ko‘rib chiqish va asosli qarorlar tayyorlash jarayonining muhim bosqichidir.