Xalq deputatlari Xorazm viloyati Kengashi deputati R. Ruzibayev tomonidan Xiva tumanidagi Al-Xorazmiy mahallasida hokim yordamchisi faoliyati, aholini kambag‘allikdan chiqarish, bandligini ta’minlash hamda ijtimoiy himoyaga muhtoj fuqarolarni qo‘llab-quvvatlash borasida amalga oshirilayotgan ishlar o‘rganildi.

 Mahallada jami 1 134 ta xonadon mavjud bo‘lib, ularda 6 487 nafar aholi istiqomat qiladi. Yil boshidan Kambag‘allik reyestriga kiritilgan 156 nafar fuqarodan 87 nafari (55,8 foiz) reyestrdan chiqarilgan. Hozirda 69 nafar fuqaro reyestrda qolgan bo‘lib, ular bilan manzilli ishlar davom ettirilmoqda.

 Shuningdek, yil boshida 187 nafar ishsiz fuqarodan 131 nafarining (70,1 foiz) bandligi ta’minlangan. Mahalladagi 67 nafar nogironligi bo‘lgan fuqarodan 55 nafari (82,1 foiz) mehnat faoliyatiga jalb etilgan.

 O‘rganish yakunida qolgan ishsiz va kambag‘al oilalarni doimiy daromad manbaiga ega qilish, kasb-hunarga o‘qitish, tadbirkorlikka jalb etish hamda ijtimoiy himoyaga muhtoj fuqarolar bilan manzilli ishlash bo‘yicha mas’ullarga tegishli tavsiyalar berildi.