Xalq deputatlari tuman Kengashining 2026-yilga mo‘ljallangan ish rejasiga muvofiq Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi F.Axmedov hamda kotibiyat xodimi N.Kurganova tomonlaridan tuman Ekologiya inspeksiyasining ekologiya va atrof-muhitni muhofaza qilish borasida olib borayotgan ishlari o‘rganildi.

🟢O‘rganish jarayonida taqdim etilgan ma’lumotlarga ko‘ra, joriy yilning o‘tgan davri mobaynida Ekologiya inspeksiyasi tomonidan tumanda jami 631 ta ekologik qoidabuzarlik holati aniqlangan. Aniqlangan qoidabuzarliklar bo‘yicha amaldagi qonunchilik talablariga muvofiq ma’muriy jazo choralari qo‘llanilgan. Shuningdek, qonunbuzilish holatlarining ayrimlari bo‘yicha ishlarni qonuniy tartibda ko‘rib chiqish uchun 13 ta holat sudga oshirilgan. Bundan tashqari, 10 ta holat hozirda ko‘rib chiqish jarayonida ekani ma’lum qilindi.

🟢Deputat tomonidan inspeksiya xodimlari bilan muloqotda ekologik qonunbuzarliklarning oldini olish, aholi va tadbirkorlik subyektlari o‘rtasida ekologik madaniyatni oshirish, tabiatga ehtiyotkorona munosabatni shakllantirish hamda aniqlangan kamchiliklarni bartaraf etishga qaratilgan profilaktik tadbirlarni kuchaytirish masalalariga alohida e’tibor qaratildi.

🟢Ayniqsa, tumanning tabiiy resurslari va ekologik holatini asrash, chiqindilarni belgilangan tartibda boshqarish, yashil hududlarni muhofaza qilish, suv va boshqa tabiiy resurslardan oqilona foydalanish bo‘yicha nazorat tadbirlarini tizimli ravishda olib borish muhimligi ta’kidlandi.

🟢O‘rganish yakunida ekologik qonunbuzarliklarni barvaqt aniqlash bilan bir qatorda, ularning oldini olishga qaratilgan profilaktik ishlar samaradorligini oshirish, aholi bilan tushuntirish ishlarini kuchaytirish hamda ekologik talablarga rioya etilishi ustidan jamoatchilik va deputatlik nazoratini izchil davom ettirish zarurligi qayd etildi.