#kunlik_ish_reja_ijrosi
#deputat_faoliyati
#24_ta_tavsiyalar_ijrosi
#3_BAND


🛒⚖️ BOZORDA NARX-NAVO QANDAY? DOIMIY KOMISSIYA RAISLARI JARAYONNI NAZORATGA OLDI

Bozordagi narx-navo — xalq kayfiyatining ko‘zgusi. Shu bois, Bandixon tumani Kengashi deputatlari aholi dasturxoni to‘kinligini ta’minlash va narxlarning asossiz oshib ketishining oldini olish maqsadida navbatdagi nazorat-tahlil tadbirini o‘tkazdilar.

Mazkur o‘rganish mahalliy Kengash deputatlari faoliyati uchun belgilangan “24 ta eng muhim yo‘nalish”ning 3-bandi (Bozorlardagi narx-navo barqarorligi) ijrosini ta’minlash hamda kunlik ish reja doirasida tashkil etildi.

O‘RGANISHDA ISHTIROK ETGAN DEPUTATLAR:

✅ O.Ishpo‘latov — Mahalliy byudjet, tadbirkorlikni rivojlantirish va iqtisodiy islohotlar bo‘yicha doimiy komissiya raisi;

✅ X.Abdimo'minov — Agrar, suv xo‘jaligi va ekologiya masalalari bo‘yicha doimiy komissiya raisi.

MONITORING JARAYONIDA QUYIDAGILAR TAHLIL QILINDI:

✅ Sifat va zaxira: Savdo rastalaridagi go‘sht, sut, tuxum va un kabi birlamchi mahsulotlarning sifati hamda aholi ehtiyoji uchun yetarli zaxira mavjudligi;

✅ Narx barqarorligi: Narxlarning sun’iy ravishda, asossiz oshirilmaganligi hamda belgilangan tavsiyaviy narxlarga rioya etilishi;

✅ Xaridorlar fikri: Bozorga tashrif buyurgan fuqarolar bilan muloqot o‘tkazilib, ularning narx-navo va mahsulotlar to‘kinligi bo‘yicha qoniqish darajasi o‘rganildi.

📊 O‘RGANISH NATIJALARI NIMALARNI KO‘RSATDI?

🔹 Mo‘tadillik: Go‘sht va sut mahsulotlari rastalarida narxlar barqarorligi saqlanib qolmoqda.

🔹 Yetarli ta’minot: Mavsumiy sabzavotlar va poliz mahsulotlari zaxirasi aholi talabini to‘liq qoplash darajasida.

🔹 Qat’iy choralar: O‘rganish davomida ayrim turdagi mahsulotlar narxini asossiz oshirishga harakat qilgan sotuvchilarga qat’iy ogohlantirish va ko‘rsatmalar berildi.

✅ Doimiy komissiya raislari ta’kidlaganidek:

"Bizning maqsadimiz — halol tadbirkorga xalaqit berish emas, balki xalqimiz dasturxoni to‘kinligini hamda bozorda narxlar adolatli bo‘lishini ta’minlashdir. Narxlar barqarorligi deputatlik nazoratining doimiy markazida bo‘ladi!"