23-SON QAROR IJROSINI O‘RGANISH BO‘YICHA ISHCHI GURUH TASHKIL ETILDI
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 16-avgustdagi 523-son qarori ijrosini o‘rganish maqsadida ishchi guruh tashkil etildi.
📌 Ishchi guruh tomonidan tumandagi umumta’lim muassasalarida kam ta’minlangan oilalar farzandlarining kuni uzaytirilgan guruhlarda ta’lim olishi va ularni moddiy jihatdan qo‘llab-quvvatlash holati o‘rganiladi.

O‘rganish jarayonida:
▫️ kam ta’minlangan oilalar farzandlarini aniqlash va ro‘yxatga olish;
▫️ kuni uzaytirilgan guruhlarga qatnayotgan bolalar soni;
▫️ tasdiqlangan ro‘yxatlar va ota-onalar bilan tuzilgan shartnomalar;
▫️ to‘lovlarning belgilangan tartibda va o‘z vaqtida amalga oshirilishi;
▫️ bolalarning davomat holati;
▫️ ajratilgan mablag‘larning maqsadli sarflanishi;
▫️ mavjud muammo va kamchiliklar hamda ularni bartaraf etish choralari
maktablar kesimida o‘rganiladi.
📋 Aniqlangan holatlar tahlil qilinib, qaror ijrosini yanada ta’minlash, kam ta’minlangan oilalar farzandlariga ko‘rsatilayotgan ijtimoiy ko‘makning manzilliligini oshirish yuzasidan tegishli taklif va tavsiyalar ishlab chiqiladi.
🎯 Deputatlik nazorati — belgilangan ijtimoiy kafolatlarning amalda ta’minlanishiga xizmat qiladi.