Muloqot davomida mahalla aholisining murojaatlari, taklif va fikrlari tinglanib, ularni qiynayotgan mavjud muammolar atroflicha o‘rganildi. Fuqarolar tomonidan bildirilgan masalalar deputatning “yon daftari”ga qayd etilib, ularni hal etish bo‘yicha tegishli chora-tadbirlarni belgilash yuzasidan mas’ullarga taklif va tavsiyalar berildi.
Uchrashuvda aholi bilan ochiq va samimiy muloqotni yo‘lga qo‘yish, fuqarolar murojaatlariga e’tiborli yondashish hamda ko‘tarilgan masalalarning amaliy yechimini ta’minlash muhim vazifalardan biri ekani ta’kidlandi.
Bunday uchrashuvlar deputat va saylovchilar o‘rtasidagi to‘g‘ridan-to‘g‘ri muloqotni mustahkamlash, aholini o‘ylantirayotgan muammolarni joyida o‘rganish va ularning yechimiga ko‘maklashishda muhim ahamiyat kasb etadi.
Deputat tomonidan qayd etilgan murojaatlar ijrosi nazoratga olinib, ularning qonuniy va amaliy yechimini ta’minlash bo‘yicha ishlar davom ettiriladi.