💧 Fuqarolar murojaati ijobiy hal etildi

Xalq deputatlari tuman Kengashi deputatlari I. Qo‘chqorova va K. Xakimovalar tomonidan Ko‘rkam diyor mahallasidagi Intilish ko‘chasida joylashgan 1-sonli ko‘p qavatli uyda istiqomat qiluvchi fuqarolarning murojaati o‘rganildi.

Fuqarolar tomonidan mazkur ko‘p qavatli uyga kanalizatsiya tarmog‘ini tortish masalasida murojaat qilingan bo‘lib, deputatlar tomonidan ushbu masala joyiga chiqib o‘rganildi hamda tegishli tashkilotlar bilan hamkorlikda zarur choralar ko‘rildi.

Natijada fuqarolarning murojaati ijobiy hal etilib, ko‘p qavatli uyga kanalizatsiya tarmog‘ini tortish bo‘yicha tegishli ishlar amalga oshirildi.

Aholi murojaatlarini o‘rganish, mavjud muammolarni joyida aniqlash va ularning qonuniy yechimini ta’minlash xalq deputatlari Kengashi deputatlarining muhim faoliyat yo‘nalishlaridan biridir.