Xalq deputatlari Uchquduq tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi G.Allanova hamda Kengash kotibiyati mudiri M.Kamolova tomonidan Kengashning 2026-yil 30-iyundagi VII-28-72-5-76-K/26-sonli qarori ijrosi doirasida amalga oshirilayotgan ishlar o‘rganildi. 🏛

🔹 O‘rganish jarayonida tuman Maktabgacha va maktab ta’limi bo‘limiga qarashli 5-sonli umumta’lim maktabida inklyuziv ta’lim olayotgan o‘quvchilar uchun yaratilayotgan sharoitlarga alohida e’tibor qaratildi.

📚 Jumladan, inklyuziv ta’limni tashkil etish holati, o‘quvchilarning ta’lim olishi uchun yaratilgan shart-sharoitlar, ta’lim jarayonida ularga ko‘rsatilayotgan pedagogik va psixologik ko‘mak, shuningdek, maktabdagi mavjud imkoniyatlar ko‘zdan kechirildi.

👩‍🏫 O‘quvchilarning ta’lim-tarbiya jarayoniga to‘laqonli jalb etilishi, ularning individual ehtiyojlarini inobatga olgan holda ta’lim olishi uchun zarur sharoitlarni yaratish masalalariga alohida e’tibor qaratildi.

🏫 Shuningdek, maktabda inklyuziv ta’limning samarali tashkil etilishi uchun mavjud infratuzilma, o‘quv xonalari va boshqa zarur sharoitlarning holati o‘rganilib, aniqlangan masalalar yuzasidan mas’ullarga tegishli tavsiya va takliflar bildirildi.

🤝 Inklyuziv ta’limni rivojlantirishdan asosiy maqsad — har bir bolaning ta’lim olish huquqini ta’minlash, ularning imkoniyatlaridan kelib chiqib zarur shart-sharoitlarni yaratish hamda ta’lim jarayonida teng imkoniyatlarni ta’minlashdir.

📌 O‘rganish yakunlari bo‘yicha mavjud kamchiliklarni bartaraf etish va belgilangan vazifalar ijrosini ta’minlash yuzasidan tegishli chora-tadbirlar belgilandi.