ASFALTLASH ISHLARI O‘RGANILDI

✅ Xalq deputatlari tuman Kengashi kotibiyati mudiri O‘. Murodov 15-Pasurxi saylov okrugi deputati Sharipov Normahmat Saidovich bilan hamkorlikda Pasurxi mahallasida amalga oshirilayotgan asfaltlash ishlari bilan tanishdi.

✅ O‘rganish jarayonida mazkur ishlar Xalq deputatlari Boysun tumani Kengashining 2026 yil 3 fevraldagi VII-19-10-8-110-K/26-sonli qarori asosida amalga oshirilayotgani ko‘rib chiqildi. Qarorga ko‘ra, Pasurxi MFYda 1 100 metr uzunlikdagi ichki yo‘lni asfaltlash, umumiy 3 850 m² maydonda ta’mirlash ishlari belgilangan.

✅ O‘rganish davomida asfaltlash ishlarining belgilangan manzilli dastur asosida olib borilishi, ishlarning sifati va belgilangan hajmlarga muvofiqligiga e’tibor qaratildi.

✅ Shuningdek, yo‘llarni sifatli ta’mirlash hamda aholi uchun qulay va xavfsiz harakatlanish sharoitlarini yaratish bo‘yicha mas’ullarga tegishli tavsiyalar berildi.