Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tuman hokimining o‘rinbosari A.Xudaybergergenov bilan birgalikda 4-sonli maktabda tashkil etilgan “Jasorat sinfi”ning bugungi kundagi holatini o‘rgandi.

🔎 O‘rganish davomida Xalq deputatlari Taxiatosh tumani Kengashining jamoatchilik fikri asosida “Ochiq budjet” portali orqali 2026-yil 1-mavsumida o‘tkazilgan tashabbusli budjet jarayonida eng ko‘p ovoz to‘plab, g‘olib bo‘lgan takliflarni moliyalashtirish bo‘yicha “Fuqarolar tashabbusi jamg‘armasi”dan mablag‘ ajratish to‘g‘risidagi qaror ijrosi holati ko‘zdan kechirildi.

📋 Shuningdek, “Jasorat sinfi” uchun yaratilgan sharoitlar, ajratilgan mablag‘lardan maqsadli foydalanish hamda amalga oshirilgan ishlarning belgilangan talablar asosida bajarilishi yuzasidan o‘rganish ishlari olib borildi.

🇺🇿 Yoshlarni vatanparvarlik ruhida tarbiyalash va ular uchun munosib sharoitlar yaratish — doimiy e’tiborda.