АҲОЛИ ФАРОВОНЛИГИНИ ТАЪМИНЛАШ ВА ПЕНСИЯ ТАЪМИНОТИ ТИЗИМИНИ ИСЛОҲ ҚИЛИШ БЎЙИЧА ФАРМОН ЛОЙИҲАСИ МУҲОКАМАДА
Ўзбекистон Республикаси Президентининг «Аҳоли фаровонлигини таъминлаш ва пенсия таъминоти тизимини ислоҳ қилиш чора-тадбирлари тўғрисида»ги Фармони лойиҳаси жамоатчилик муҳокамасига қўйилди.
Мазкур Фармон лойиҳаси аҳолини ижтимоий ҳимоя қилиш тизимини янада такомиллаштириш, фуқароларнинг муносиб турмуш кечиришини таъминлаш, пенсия таъминотининг самарадорлиги ва барқарорлигини оширишга қаратилган муҳим ҳуқуқий ҳужжат ҳисобланади.
Лойиҳанинг асосий мақсади — инсон манфаатларини таъминлаш, кекса авлод вакилларини ҳар томонлама қўллаб-қувватлаш, пенсия таъминоти билан боғлиқ муносабатларда адолат, очиқлик ва шаффофлик тамойилларини янада мустаҳкамлашдан иборат.
Шунингдек, Фармон лойиҳаси орқали:
🔹 аҳолининг ижтимоий ҳимоясини кучайтириш;
🔹 пенсия таъминоти тизимини замонавий талаблар асосида такомиллаштириш;
🔹 пенсия тайинлаш ва тўлаш жараёнларининг қулайлигини ошириш;
🔹 фуқароларга кўрсатилаётган давлат хизматларини янада соддалаштириш;
🔹 пенсия таъминотида адолат ва манзиллиликни таъминлаш;
🔹 тизимда рақамли технологиялардан кенг фойдаланиш;
🔹 ортиқча ҳужжатбозлик ва бюрократик тўсиқларни қисқартириш;
🔹 фуқароларнинг ҳуқуқ ва қонуний манфаатларини ишончли ҳимоя қилиш каби муҳим йўналишларни ривожлантириш кўзда тутилмоқда.
Фармон лойиҳасининг қабул қилиниши пенсия тизимининг узоқ муддатли барқарорлигини таъминлаш, давлат томонидан кўрсатиладиган ижтимоий хизматлар сифатини ошириш ҳамда аҳолининг бугунги ва келажак авлодлари учун ишончли ижтимоий кафолатларни шакллантиришга хизмат қилиши кутилмоқда.

🗂 ЖАМОАТЧИЛИК МУҲОКАМАСИДА ФАОЛ ИШТИРОК ЭТИНГ!
Фармон лойиҳаси ҳозирда жамоатчилик муҳокамасига қўйилган. Ҳар бир фуқаро лойиҳа билан батафсил танишиб, унда белгиланаётган чора-тадбирлар юзасидан ўз таклифлари, фикр-мулоҳазалари ва муносабатини билдириши мумкин.
Жамоатчилик томонидан билдирилган асосли таклифлар ҳужжатни янада такомиллаштириш, унинг амалий самарадорлигини ошириш ва аҳоли манфаатларига тўла мос келишини таъминлашда муҳим аҳамият касб этади.

🔗 Фармон лойиҳаси билан танишиш ва таклиф қолдиринг.

Фаол фуқаролик позициянгизни намоён этинг! Сизнинг ҳар бир таклифингиз аҳоли фаровонлигини ошириш ва пенсия таъминоти тизимини янада такомиллаштиришга муносиб ҳисса бўлиши мумкин.