Toshkent shahri Mirzo Ulug‘bek tumanidagi “Alisher Navoiy” mahallasida “Mahalla obodligi va mehr-saxovat” oyligi doirasida obodonlashtirish va tozalash ishlari izchil davom etmoqda

Mahallada aholi, mahalla faollari hamda BSK xodimlari ishtirokida hashar tashkil etildi.

Tadbir davomida bolalar maydonchasi ta’mirlanib, soz va foydalanishga qulay holatga keltirildi. Maydoncha atrofi va mahalla hududi turli chiqindilardan tozalandi.

Shuningdek, ta’mirlanayotgan uylardan chiqqan qurilish chiqindilari maxsus mashinalarga ortilib, hududdan olib chiqib ketildi. Hududdagi mavjud kamchiliklar bartaraf etildi.

Ko‘chalar yanada obod va ozoda holatga keltirilib, aholi va bolalar uchun qulay hamda shinam muhit yaratildi.

Obod va ozoda mahalla — sog‘lom atrof-muhit hamda farovon hayot garovi!