Xalıq deputatları Qaraózek rayonlıq Keńesi deputatları máhállelerde iskerligi juwmaǵı boyınsha málimlemelerin tanıstırıp, saylawshılardıń múrájat hám aymaqtaǵı mashqalaların úyrenbekte.

Berdaq APJdaǵı ushırasıwǵa máhálle aymaǵınan rayonlıq Keńeske saylanǵan deputat R.Karmısova hám G.Minajatdinova, Keńes sekretariatı baslıǵı Q.Jaqsımuratov, "máhálle jetiligi", kommunal taraw wákilleri, puqaralar qatnastı.
Dáslep sekretariat baslıǵı Q.Jaqsımuratov tárepinen aymaqta usı jılda mámleketlik baǵdarlamalar tiykarında ámelge asırılǵan jumıslar, jańa nızam, qararlardıń turmısımızdaǵı hám tikkeley máhálle ushın áhmiyeti, sonday-aq, Keńes iskerligi, sessiyalarda áhmiyetli sheshimler hám olardıń orınlanıw barısı hámde deputatlardıń iskerligi haqqında málimleme menen tanıstırdı.
Deputatlar saylawshılar menen pikirlesip, olardıń mashqala hám múrájatın qabılladı. Sonday-aq, máhálle menen birge islesiw baǵdarında qatar wazıypalar alǵa súrilip, aymaqtaǵı sociallıq mákemeler usınısları da tallandı.