Xalq deputatlari Parkent tuman Kengashiga 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li o‘zi saylangan hududdagi “Qayilma” mahallasida bo‘lib, fuqarolar tomonidan bildirilgan murojaat yuzasidan joyiga chiqib o‘rganish olib bordi.O‘rganish davomida mahalla hududidagi 34-son umumiy o‘rta ta’lim maktabi hududidan o‘tuvchi, “Tong” va “Qo‘rg‘oncha” ko‘chalarini tutashtiruvchi piyodalar yo‘lagi maktab ma’muriyati tomonidan yopib qo‘yilgani sababli aholi o‘rtasida tushunmovchiliklar yuzaga kelayotgani aniqlandi.Deputat tomonidan holat atroflicha o‘rganilib, murojaat o‘ziga biriktirilgan nazorat daftariga kiritildi. Shuningdek, maktab ma’muriyati bilan suhbat o‘tkazilib, yo‘lakning yopilish sabablari va mavjud holatga aniqlik kiritildi. Masalaning qonuniy hamda aholi manfaatlarini inobatga olgan holda yechim topish maqsadida tegishli mutasaddi tashkilotlar bilan hamkorlikda ish olib borilmoqda.Fuqarolar murojaatlarini joyida o‘rganish, mavjud muammolarni aniqlash va ularni bartaraf etish yuzasidan amaliy choralar ko‘rish
deputatlik faoliyatining muhim yo‘nalishlaridan biri bo‘lib, bu boradagi ishlar tizimli ravishda davom ettirilmoqda.