Xalq deputatlari Parkent tuman Kengashiga 14-Cho‘qqayma saylov okrugidan saylangan deputat, tuman Kengashi raisi Dadamatov Faxriddin Janobovich tomonidan o‘z saylov okrugi hududida istiqomat qiluvchi fuqarolarning murojaatlari o‘rganildi. O‘rganish jarayonida deputat hududda yashovchi aholi bilan ochiq muloqot o‘tkazib, ularni qiynab kelayotgan dolzarb masalalar, jumladan infratuzilma holati, ichki yo‘llarning ta’mirga muhtoj qismlari, ichimlik suvi va elektr energiyasi ta’minotidagi ayrim muammolar hamda kommunal xizmatlar sifati yuzasidan bildirilgan fikr va takliflarni tingladi. Shuningdek, uchrashuv davomida fuqarolar tomonidan ijtimoiy soha, bandlik masalalari hamda mahalla hududida amalga oshirilishi zarur bo‘lgan obodonlashtirish ishlari bo‘yicha ham bir qator murojaatlar bildirildi. Har bir murojaat yuzasidan mas’ul tashkilotlar bilan hamkorlikda o‘rganib chiqish va amaliy yechim topish bo‘yicha tegishli choralar belgilab olindi. Tuman Kengashi raisi tomonidan aholi muammolarini joyida o‘rganish, ularni tizimli hal etish hamda fuqarolar bilan doimiy muloqotni yo‘lga qo‘yish masalasiga alohida e’tibor qaratildi.Uchrashuv yakunida bildirilgan taklif va muammolarni bosqichma-bosqich hal etish bo‘yicha aniq vazifalar belgilandi.