Deputat ishtirokida sayyor qabul o‘tkazildi

O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosi doirasida joylarda o‘rganish ishlari davom ettirilmoqda.

Mazkur jarayon doirasida Xalq deputatlari Yunusobod tuman Kengashi deputati Rovshan Yusupov Mirzo Ulug‘bek mahallasida aholi bilan sayyor qabul o‘tkazdi.

Qabul davomida fuqarolarning hududdagi mavjud muammolar, ijtimoiy-maishiy sharoitlar, kommunal xizmatlar, obodonlashtirish hamda boshqa dolzarb masalalar yuzasidan murojaatlari tinglandi.

Bildirilgan murojaatlar deputat tomonidan o‘rganilib, ularni tegishli tashkilotlar bilan hamkorlikda hal etish bo‘yicha zarur choralar belgilandi.

Bizni kuzatishda davom eting!