Xalq deputatlari Marg‘ilon shahar Kengashi deputatlari, jumladan, kotibiyat mudiri A.Ermatov, doimiy komissiya raisi A.Mahkamov hamda kotibiyat bosh mutaxassisi Z.Yakubova tomonidan shahardagi 21-sonli umumiy o‘rta ta’lim maktabida olib borilayotgan qurilish ishlari joyiga chiqib o‘rganildi.

Mazkur loyiha Marg‘ilon shahar Kengashining 2025-yil 12-sentabrdagi “Fuqarolar tashabbusi jamg‘armasi” mablag‘lari hisobidan amalga oshirilmoqda. Unga ko‘ra, maktab hududidagi bo‘sh maydonda 1 milliard 430 million so‘m mablag‘ evaziga yangi oshxona binosi qurilmoqda.

Qurilish ishlari “Otabek imkoniyati” MCHJ tomonidan olib borilmoqda. Hozirgi kunda asosiy qurilish ishlari yakunlanib, yo‘laklarni barpo etish ishlari davom etmoqda.

O‘rganish davomida deputatlar tomonidan qurilish sifati, ishlarning belgilangan muddatlarda bajarilishi hamda ajratilgan mablag‘larning maqsadli sarflanishiga alohida e’tibor qaratildi.