Xalq deputatlari Parkent tuman Kengashiga 24-Tolbuloq saylov okrugidan saylangan deputat Uboydullayeva Yulduz Abrorjonovna tomonidan o‘z saylangan okrugi saylovchilari bilan navbatdagi uchrashuv o‘tkazildi. Uchrashuv davomida deputat tomonidan 2025-yil davomida saylov okrugi tarkibiga kiruvchi mahalla fuqarolar yig‘inlarida amalga oshirilgan ishlar yuzasidan batafsil axborot berildi. Shuningdek, hududda mavjud muammolar, aholini qiynayotgan masalalar hamda ularni hal etish yuzasidan olib borilayotgan ishlar muhokama qilindi. Shuningdek, uchrashuvda tuman Kengashi kotibiyati bosh mutaxassisi E.To‘layev va D.Mirzayevlar ishtirok etib, o‘z vakolatlari doirasida aholining savollariga javob qaytardilar. Saylovchilar tomonidan bildirilgan taklif va murojaatlar deputat tomonidan tinglanib, ularni hal etish yuzasidan tegishli tashkilotlar bilan hamkorlikda amaliy choralar ko‘rilishi ta’kidlandi. Bunday uchrashuvlar deputat va saylovchilar o‘rtasidagi ochiq muloqotni mustahkamlashga xizmat qilmoqda.