Deputatlar, Hokim o‘rinbosari va Mahalla uyushmasi hamkorligida Mustaqillik mahallasida “Yettilik” faoliyati o‘rganildi

Termiz tuman hokimi o‘rinbosari F.Abjalov O‘zbekistom Mahallalari uyushmasining Termiz tuman bo‘limi boshlig‘i R.Alixanov bilan hamkorlikda Xalq deputatlari Termiz tuman Kengashi kotibiyat mudiri A.Avliyakulov hamda deputatlar Sh.Norsayev va G.Shafoatovalar Mustaqillik mahallasida olib borilayotgan ishlar joyiga chiqqan holda o‘rganildi. 

O‘rganish davomida “mahalla yettiligi” a’zolarining har biri faoliyati alohida ko‘rib chiqildi.

🔹 Mahalla raisi – hududni ijtimoiy-iqtisodiy rivojlantirish, aholi murojaatlarini ko‘rib chiqish va obodonlashtirish ishlari yuzasidan hisobot berdi.

🔹 Hokim yordamchisi – aholi bandligini ta’minlash, tadbirkorlikni qo‘llab-quvvatlash hamda kredit va subsidiya ajratish bo‘yicha amalga oshirilayotgan ishlar bilan tanishtirdi.

🔹 Yoshlar yetakchisi – yoshlar bilan ishlash, ularning bandligini ta’minlash va bo‘sh vaqtini mazmunli tashkil etish borasidagi ishlar haqida ma’lumot berdi.

🔹 Xotin-qizlar faoli – ayollarni ijtimoiy qo‘llab-quvvatlash, muammolarini hal etish va bandligini oshirish yuzasidan olib borilayotgan ishlarni bayon etdi.

🔹 Profilaktika inspektori – hududda jinoyatchilik va huquqbuzarliklarning oldini olish bo‘yicha ko‘rilayotgan chora-tadbirlar haqida axborot berdi.

🔹 Ijtimoiy xodim – ehtiyojmand oilalar bilan manzilli ishlash va ijtimoiy yordam ko‘rsatish jarayonlari yuzasidan ma’lumot taqdim etdi.

🔹 Soliq va kadastr vakili – yer va mol-mulk hujjatlarini tartibga solish hamda tushuntirish ishlari haqida ma’lumot berdi.

O‘rganish yakunida deputatlar tomonidan aniqlangan kamchiliklarni bartaraf etish, hamkorlikni yanada mustahkamlash hamda aholiga xizmat ko‘rsatish sifatini oshirish bo‘yicha aniq tavsiyalar berildi. Hamkorlikdagi ishlar doimiy nazoratga olinishi ta’kidlandi.