🔹Xalq deputatlari Bekobod tumani Kengashi deputati X. Jumaboev mahalladagi ichki ko‘cha yo‘llari holatini o‘rganish maqsadida hududga tashrif buyurdi. Tashrif davomida ko‘chalarning joriy holati, ularning ta’mirtalab joylari hamda mavjud muammolar mas’ullar ishtirokida atroflicha ko‘rib chiqildi.

🔹Shuningdek, ko‘chalarni tungi vaqtda yoritish holati, mavjud yoritish tizimlarining samaradorligi ham o‘rganilib, aholiga qulay va xavfsiz sharoit yaratish yuzasidan amalga oshirilishi lozim bo‘lgan chora-tadbirlar muhokama qilindi.

🔹Bundan tashqari yo‘l-transport hodisalari tez-tez sodir bo‘layotgan hududlarga alohida e’tibor qaratilib, bunday holatlarni kamaytirish bo‘yicha aniq choralar belgilab olindi.

🔹Deputat tomonidan aniqlangan kamchiliklarni bartaraf etish, yo‘l infratuzilmasini yaxshilash hamda aholi uchun xavfsiz va qulay sharoit yaratish yuzasidan mas’ullarga tegishli topshiriqlar berildi.