Xalq deputatlari Ishtixon tumani Kengashi deputati S.Abdug‘aniyev tomonidan Ishtixon tumani Ichki ishlar bo‘limi Yo‘l harakati xavfsizligi bo‘limi boshlig‘i N.Ibragimovga deputat so‘rovi yuborildi.

📍 Mazkur so‘rov Mitan shaharchasida joylashgan 2-son ixtisoslashtirilgan davlat umumta’lim maktabi yonidagi yo‘lda yuzaga kelgan muammo yuzasidan yo‘llangan.

Uchrashuvlar davomida aholi hamda “mahalla yettiligi” tomonidan maktab atrofida piyodalar xavfsizligini ta’minlash, xususan svetofor o‘rnatish zarurati borasida ko‘plab murojaatlar bildirilgan.

🔧 Aniqlanishicha, mazkur hududdagi piyodalar o‘tish joyiga o‘rnatilgan ko‘chma svetofor nosoz holatga kelganligi sababli olib qo‘yilgan bo‘lib, hozirga qadar qayta o‘rnatilmagan.

⚠️ Hududda maktab bilan bir qatorda shifoxona va mahalla binosi joylashganligi bois, ayniqsa bolalar xavfsizligini ta’minlash maqsadida svetoforni qayta o‘rnatish dolzarb masala hisoblanadi.

📌 Deputat tomonidan ushbu muammoni bartaraf etish maqsadida rasmiy so‘rov yuborildi.

🕒 Mazkur so‘rov ijrosi belgilangan tartibda nazoratga olingan.