O‘zbekiston Respublikasining 2017-yil 11-sentabrdagi “Jismoniy va yuridik shaxslarning murojaatlari to‘g‘risida”gi O‘RQ-445-son Qonuni ijrosini ta’minlash maqsadida Xalq deputatlari Ishtixon tumani Kengashi deputatlari tomonidan Ishtixon tumani hokimligi devonxona bo‘limida o‘rganish ishlari olib borildi.

O‘rganish davomida 2026-yil yanvar–mart oylarida murojaatlar bilan ishlash holati tahlil qilindi.

📊 Ma’lumotlarga ko‘ra:

🔹 Jami 426 ta murojaat kelib tushgan bo‘lib, bu ko‘rsatkich o‘tgan yilning shu davriga nisbatan 55 foizga kamaygan

🔹 Shundan 126 tasi O‘zbekiston Respublikasi Prezidentining virtual qabulxonasi orqali yuborilgan bo‘lib, bu yo‘nalishda ham 25 foizga kamayish kuzatilgan

🔹 Hisobot davrida 10 marotaba sayyor qabullar tashkil etilgan

📌 Murojaatlarning asosiy qismi:

🔹 kommunal xizmatlar

🔹 uy-joylarni ta’mirlash

🔹 tibbiy yordam

🔹 nafaqa va moddiy yordam masalalari

bilan bog‘liq bo‘lgan.

❗️ O‘rganish jarayonida ayrim kamchiliklar ham aniqlanib, xususan, tibbiyot birlashmasi hamda ekologiya bo‘limlari tomonidan murojaatlar bilan ishlashda sustkashlik holatlari mavjudligi qayd etildi.

🛠 Deputatlar tomonidan murojaatlar bilan ishlash samaradorligini oshirish, ularni o‘z vaqtida va sifatli ko‘rib chiqish, aniqlangan kamchiliklarni bartaraf etish yuzasidan tegishli tavsiya va ko‘rsatmalar berildi.

🗣 Shuningdek, murojaatlar bilan ishlash tizimini yanada takomillashtirish, aholining muammolariga tezkor va samarali yechim topish muhimligi alohida ta’kidlandi.

✅ Fuqarolarning murojaatlari bilan ishlash tizimini yaxshilash — aholi ishonchini mustahkamlash va davlat organlari faoliyatining ochiqligini ta’minlashda muhim omil hisoblanadi.