T.Latipov hududidagi "Oltin laylak" fermer xo‘jaligi bo‘z yer toifasida turgan yer maydonini suv osti yer maydoni toifasiga o‘tkazish va baliqchilikni rivojlantirish xususida Xalq deputatlari Boyovut tumani Kengashiga qilgan murojaati yuzasidan, Kengash huzurudagi Agrar, suv xoʻjaligi masalalari va ekologiya boʻyicha doimiy komissiya a'zolari "Oltin laylak" bo‘z yer maydonini joyiga borib o‘rganishdi. O‘rganishlar natijasida "Oltin laylak" f/x rahbari J.O‘rinboyevning takidlashicha baliqchilikni tashkil qilgandan so‘ng yiliga 20 tonna baliq yetishtirishi, kamida 5ta ish o‘rini yaratish, davlatga yiliga 10mln so‘mga yaqin soliq to‘lanishi hamda baliqchilik turizimini yo‘lga qo‘yishini takidlab o‘tdi. Shundan so‘ng deputatlar tomonidan murojaat yechimi yuzasidan taklif va fikrlar almashilib, ijrosi yuzasidan tegishli xulosalar chiqarilishi kelishib olindi.