Bozataw rayonı orayında jaylasqan “BOZATAW CITY” bazarında rayon xalqınıń tiykarǵı túrdegi azıq-awqat ónimlerine bolǵan mútájligin támiyinlew maqsetinde arzanlastırılǵan azıq-awqat ónimleri turaqlı túrde satılıp kelinbekte.

Búgin Xalıq deputatları rayonlıq Keńesiniń deputatları hám sekretariat baslıǵı A.Ibragimovlar tárepinen rayonda shólkemlestirilgen azıq-awqat ónimleriniń belgilengen talaplarǵa sáykesligi menen jaqınnan tanıstı. 

Sapar dawamında bazarda xalıq ushın jaratılǵan sharayatlar, ónimlerdiń bahası hám sawda processleri kózden ótkerildi.

Úyreniw procesinde tutınıwshılarǵa sapalı hám arzan bahalarda azıq-awqat ónimlerin jetkerip beriw, bahalardıń tiykarsız artıp ketiwiniń aldın alıw hám sanitariyalıq-gigienalıq talaplarǵa ámel etiliwi máselelerine ayrıqsha itibar qaratıldı.