Xalq deputatlari viloyat Kengashi deputati N. Soatov hamda Xalq deputatlari tuman Kengashi deputati N.Turdiyevlar Oqoltin tumanidagi “Mustaqillik” va A. Navoiy mahallasida “Mahalla yettiligi” vakillari bilan uchrashuv o‘tkazdilar. 

Uchrashuv davomida ijtimoiy himoyaga muhtoj, boquvchisini yo‘qotgan, davolanishga ehtiyojmand oilalar holati yuzasidan shakllantirilgan ro‘yxat atroflicha ko‘rib chiqildi. Har bir oila kesimida mavjud muammolar tahlil qilinib, ularni hal etish, manzilli yordam ko‘rsatish hamda bandligini ta’minlash bo‘yicha aniq chora-tadbirlar belgilandi. 

Deputatlar tomonidan aholini ijtimoiy qo‘llab-quvvatlash, ehtiyojmand oilalarning turmush sharoitini yaxshilash hamda ularning daromad manbalarini kengaytirish ustuvor vazifa ekani alohida ta’kidlandi. Belgilangan vazifalar ijrosini ta’minlash yuzasidan mas’ullarga tegishli topshiriqlar berildi.