O‘zbekiston XDP Oqoltin tuman Kengashi deputati Quchqorova Iroda “Ko‘rkam-diyor” mahallasi faollari va yoshlari bilan birgalikda tumandagi sanoat zonasida joylashgan “RISQIBOY-MIRONSHOX” MCHJ qoshidagi yog‘ ishlab chiqarish korxonasi faoliyati bilan tanishdi. 

Shuningdek, ishlab chiqarish korxonalari bazasida oliy ta’lim muassasalari va kasb-hunar ta’lim yo‘nalishlarida tahsil olayotgan yoshlarni amaliy mashg‘ulotlar bilan qamrab olish, ularning malaka va kasbiy ko‘nikmalarini oshirish bo‘yicha takliflar muhokama qilindi. 

Mazkur tashrif hududni ijtimoiy-iqtisodiy rivojlantirish dasturlari ijrosini ta’minlash, mahalliy sanoatni qo‘llab-quvvatlash, yangi ish o‘rinlari yaratish hamda yoshlar bandligini ta’minlashga qaratilgan amaliy chora-tadbirlar doirasida tashkil etildi.