Bugungi tezkor axborot asrida yoshlarni turli tahdid va ta’sirlardan asrash eng dolzarb vazifalardan biridir. Shu maqsadda, xalq deputatlari Pastdarg‘om tuman Kengashi deputati D.Mardonova tashabbusi bilan huquqni muhofaza qiluvchi organlar, Oʻzbekiston Respublikasi Bosh prokuraturasi vakillari hamkorligida tumandagi 8-maktab yuqori sinf o‘quvchilari bilan ochiq muloqot va tarbiyaviy suhbati tashkil etildi.

Uchrashuv davomida:

Yoshlar turli zararli odatlarga berilib ketish xavfi;

Norasmiy va nosog‘lom guruhga qo‘shilish huquqiy va ijtimoiy oqibatlari;

Internet tarmog‘idagi xavfli saytlar va shubhali kanallarga obuna bo‘lish salbiy ta’siri;

Kiberjinoyatlar va axborot xavfsizligi masalalari atroflicha tushuntirildi.

Mutasaddilar tomonidan yoshlarga axborotni tanqidiy qabul qilish, shubhali taklif va chaqiriqlarga aldanmaslik, qonun talablariga rioya qilish zarurligi ta’kidlandi. Ota-ona va ustozlar nazorati, sog‘lom muhit va bo‘sh vaqtni tashkil etish muhim omil ekani qayd etildi.