Xalıq deputatları Taxtakópir rayonlıq Keńesi deputatı S.Kayrzaeva “Ǵárezsizlik” MPJ aymaǵındaǵı rayondaǵı qánigelestirilgen mektep imáratında óz saylawshıları menen ushırastı.

         Ushırasıw dawamında deputat tárepinen házirgi kúnde tez rawajlanıp atırǵan kiberjınayatshılıq, sociallıq tarmaqlar arqalı jasalıp atırǵan aldawshılıq jaǵdayları haqqında toqtalıp ótip, puqaralardıń jeke maǵlıwmatları, bank kartaları maǵlıwmatların basqa shaxslarǵa bermew kerek ekenligin atap ótti.

         Sonday aq, puqaralar tárepinen hár qıylı tarawlarǵa - balalar napaqası menen támiyinlew, túngi jaqtılandırıw shıraqların ornatıw, jol hám elektr támiynatı, turaq jaydı ońlaw hám basqa da sociallıq máselelerge baylanıslı múrájatlar bildirilip, deputat múrájatlardı dıqqat penen tıńlap, ornında sheshimin tabıw múmkin bolǵan máselelerdi sol jerdiń ózinde sheshiw, qalǵan mashqalalar boyınsha bolsa ornına shıǵıp úyreniw hám de tiyisli mákeme shólkem basshılarına deputat sorawı shıǵarılatuǵının atap ótti.