Belgilangan topshiriqlar ijrosini ta’minlash maqsadida bugungi kunda Bodomzor mahallasida keng ko‘lamli obodonlashtirish va infratuzilmani yaxshilash ishlari bajarilmoqda.

Xususan, mahalla ichki ko‘chalarini asfaltlashga tayyorlash, yo‘llarni toshlash, sug‘orish va oqova suv tizimlarini yaxshilash maqsadida ariqlarni kovlash hamda betonlash ishlari jadal sur’atlarda olib borilmoqda.

Tuman Hokimi, tuman Kengashi deputati A.A.Mamatqulov va tuman Kengashiga 4-Ko‘chkak saylov okrugidan saylangan deputat K.Turdiqulovlar hamkorlikda ushbu ishlarning tasdiqlangan reja asosida, belgilangan muddatlarda va sifat talablariga muvofiq ravishda amalga oshirilishi yuzasidan deputatlik nazoratini o‘tkazdilar.

Obodonlashtirish ishlari yakunlangach, mahalla aholisi uchun yanada qulay, zamonaviy va xavfsiz yashash muhiti yaratilishi ko‘zda tutilgan.