Ramazon oyida narxlar barqarorligi – deputatlar e’tibor markazida 

Xalq deputatlari Oltiariq tuman Kengashi deputatlari A.Ergashev hamda A.Yursunovlar muborak Ramazon oyi munosabati bilan tashkil etilgan arzonlashtirilgan savdo yarmarkalari faoliyatini o‘rgandi. Aholining dasturxonini to‘kin qilish hamda oziq-ovqat mahsulotlari narxlarining barqarorligini ta’minlash maqsadida Oltiariq tuman dehqon bozorlarida maxsus arzonlashtirilgan savdo yarmarkalari o‘z ishini boshladi. Mazkur yarmarkalarda asosiy turdagi iste’mol tovarlari — go‘sht, yog‘, guruch, shakar, tuxum hamda turli poliz mahsulotlari arzonlashtirilgan narxlarda aholiga taqdim etilmoqda. Deputatlar tomonidan yarmarkalarda mahsulotlar sifati, narx-navoning asosliligi hamda savdo jarayonining shaffofligi yuzasidan o‘rganishlar olib borildi. Bunday tashabbuslar Ramazon oyida aholini qo‘llab-quvvatlash, ijtimoiy himoyaga muhtoj qatlamlar manfaatini ta’minlash hamda bozorlarda narxlar barqarorligini saqlashga xizmat qiladi.