Xalıq deputatları Qaraózek rayonlıq Keńesi hám rayon hákimligi, shańaraq hám hayal-qızlar bólimi, rayonlıq mektepke shekemgi hám mektep bilimlendiriw bólimleri baslaması menen 2-sanlı mektepte bilimlendiriw mákemelerinde islewshiler arasında ushırasıw ótkerildi. 

Ushırasıwda Xalıq deputatları Qaraózek rayonlıq Keńes deputatları M.Gulimbetov (https://t.me/qaraozek_xdrk_13), A.Kelimbetova (https://t.me/qaraozek_xdrk_12) hám A.Palimbetova, rayon hákimligi, Ishki isler hám mektepke shekemgi hám mektep bilimlendiriw bólimleri wákilleri qatnastı. Ilajda bilimlendiriw mákemelerinde ruwxıy aǵartıwshılıq jumısları, tálim-tarbiya beriwdiń sapasın jaqsılaw, mámleketimiz tárepinen tarawǵa qaratılǵan itibar, keleshegimiz bolǵan jaslarǵa tálim-tárbiya beriw hám ruwxıy salamat ortalıqtı jaqsılaw, erte turmıs qurıwdıń aldın alıw, kiberqáwipsizlik máselesinde ayrıqsha itibar qaratılıwı, bul baǵdarda tiyisli ilajlar kóriw boyınsha pikir alısıldı. 

Ushırasıwda birge islesiwshi mákeme, shólkemlerdiń aldaǵı wazıypaları belgilenip alındı.