O‘zbekiston Respublikasining “Prokuratura to‘g‘risida”gi 2001-yil 29-avgust kunidagi Qonuniga asosan tumanda qonuniylikni mustahkamlash, huquqbuzarliklarni barvaqt aniqlash va oldini olish, profilaktika tadbirlarini tashkil etish bo‘yicha prokuratura organlari tomonidan huquqni muhofaza qiluvchi organlar va boshqa idoralar bilan hamkorlikda amalga oshirilgan ishlar yuzasidan Qumqo‘rg‘on tumani prokurori Akramov Sharoffiddin Barakayevichning axboroti. 

“Ichki ishlar organlarining jinoyatchilikka qarshi kurashish va huquqbuzarliklar profilaktikasi” yo‘nalishida 2025-yilning 12 oyida amalga oshirilgan ishlar yuzasidan Qumqo‘rg‘on tumani Ichki ishlar bo‘limi boshlig‘i Amanto‘raev Muxiddin Shoto‘raevichning hisoboti.

Davlat organlari va tashkilotlari tuman bo‘linmalarida norma ijodkorligi faoliyati hamda huquqni qo‘llash amaliyoti holati, shuningdek, yuridik va jismoniy shaxslarga yuridik hamda davlat xizmatlari ko‘rsatish bo‘yicha 2025-yilda amalga oshirilgan ishlar to‘g‘risida Qumqo‘rg‘on tumani Adliya bo‘limi boshlig‘i Xurramov Rustam Xurramovichning axboroti.

Tumanda kambag‘allik va ishsizlik darajasini kamaytirish, aholi daromadini oshirish bo‘yicha 2025-yil natijasi va 2026-yilda amalga oshiriladigan ishlar haqida.

2025-yil 4-chorak yakunlariga ko‘ra jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar to‘g‘risida” gi hisobotini tasdiqlash haqida.

Qumqo‘rg‘on tumani hokimligi huzuridagi “Infratuzilma va ijtimoiy barqarorlik” jamg‘armasi mablag‘larini yo‘naltirish to‘g‘risida.

O‘zbekiston Respublikasi Vazirlar Mahkamasining 2024-yil 11-oktyabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarori bo‘yicha 2026-yil uchun manzilli ro‘yxatni tasdiqlash haqida.

Sessiyada har bir masala yuzasidan keng muhokamalar o‘tkazilib, deputatlar mas’ullardan o‘z savollariga javoblar, holatlar yuzasidan izohlar olishdi. Yakunda, kun tartibidagi har bir masala bo‘yicha tegishli qarorlar qabul qilindi.