“Zarobod” mahallasida ijtimoiy-iqtisodiy yo‘nalishlardagi ishlar o‘rganildi

Xalq deputatlari Qiziriq tumani Kengashi deputati — Kengash kotibiyati mudiri tumanning “Zarobod” mahallasi fuqarolar yig‘inida bo‘lib, mahallada aholi bandligini ta’minlash, tadbirkorlik tashabbuslarini qo‘llab-quvvatlash hamda ijtimoiy himoyani kuchaytirish borasida amalga oshirilayotgan ishlar bilan yaqindan tanishdi.

O‘rganishlar davomida hokim yordamchisi Elbek Roziqov tomonidan mahallada tadbirkorlikni rivojlantirish, aholining tadbirkorlik tashabbuslarini qo‘llab-quvvatlash maqsadida kredit va subsidiyalar ajratilishi, shuningdek, o‘zini o‘zi band qilish faoliyatini boshlamoqchi bo‘lgan ishsiz fuqarolarga, jumladan “Temir daftar” va “Ayollar daftari”ga kiritilgan shaxslarga belgilangan mezonlar asosida subsidiyalarni to‘g‘ri ajratish bo‘yicha amalga oshirilgan ishlar maxsus platforma orqali ko‘rib chiqildi.

Shuningdek, “Zarobod” mahalla fuqarolar yig‘ini yoshlar yetakchisi Ismat Abdujabborov tomonidan “Yoshlar daftari”ga kiritilgan professional va oliy ta’lim muassasalarida tahsil olayotgan yoshlarning to‘lov-kontrakt summalarini qoplab berish hamda yoshlarning ishga joylashishiga ko‘maklashish borasida olib borilayotgan ishlar yuzasidan axborot berildi.

BundaN tashqari, mahalla ijtimoiy xodimi Rushana Qurbonnazarova tomonidan ijtimoiy himoyaga muhtoj shaxslarga ijtimoiy xizmat va yordamlar ko‘rsatishni tashkil etish, aholiga davlat tomonidan kafolatlangan ijtimoiy xizmatlar to‘g‘risida tushuntirish ishlari olib borilishi hamda fuqarolarning ushbu xizmatlardan foydalanish huquqlari bo‘yicha amalga oshirilayotgan ishlar muhokama qilindi.

Muhokamalar yakunida aniqlangan masalalar yuzasidan tegishli tavsiyalar berilib, belgilangan vazifalarning o‘z vaqtida va sifatli ijrosini ta’minlash masalasi deputat nazoratiga olindi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)