Xalq deputatlari Oltinsoy tuman Kengashi deputati Turopova Dilbar Toji qizi tomonidan tumandagi Davlat xizmatlari markazi hamda FHDYO (Fuqarolik holati dalolatnomalarini yozish) organlarida aholiga davlat xizmatlari ko‘rsatilishi holati yuzasidan deputatlik nazorati o‘tkazildi. 

Nazorat tadbiri davomida fuqarolarga xizmat ko‘rsatish sifati, murojaatlarni qabul qilish va ko‘rib chiqish tartibi, navbat tizimi, elektron xizmatlardan foydalanish imkoniyatlari, shuningdek, xizmat ko‘rsatish muddatlariga rioya etilishi o‘rganildi. Shu
bilan birga, binolarda fuqarolar uchun yaratilgan shart-sharoitlar, axborot stendlari va huquqiy tushuntirish materiallarining mavjudligi ham tahlil qilindi. 

O‘rganishlar jarayonida fuqarolar bilan muloqot qilinib, ularning taklif va mulohazalari eshitildi. Aniqlangan ayrim kamchiliklarni bartaraf etish yuzasidan mas’ullarga tegishli tavsiya va takliflar berildi. 

Deputatlik nazoratidan ko‘zlangan asosiy maqsad — aholiga davlat xizmatlari ko‘rsatish sifatini yanada oshirish, ochiqlik va shaffoflikni ta’minlash, shuningdek, fuqarolarning huquq va qonuniy manfaatlarini himoya qilishdan iborat.