Xalq deputatlari Marg‘ilon shahar Kengashining 2025-yil 27-sentabrdagi qaroriga muvofiq, Chilonzor MFY hududidagi Tinchlik ko‘chasiga A.Yassaviy ko‘chasidan 200 metr masofada manzarali daraxtlarni sug‘orish uchun suv tarmog‘ini tortish ishlari belgilangan edi.

Qarorda ko‘zda tutilgan vazifalar ijrosini ta’minlash maqsadida shahar Kengashi deputatlari M. Abdurahmonova va E. Yunusov tomonidan nazorat-tahlil ishlari olib borildi. O‘rganishlar davomida belgilangan hududda amalga oshirilayotgan qurilish-montaj ishlari sifati hamda muddatlarga rioya etilishi atroflicha ko‘zdan kechirildi.

Deputatlar tomonidan mas’ul tashkilotlar vakillari bilan suhbatlar o‘tkazilib, bajarilgan ishlar hajmi, mavjud muammolar va ularni bartaraf etish choralari muhokama qilindi. 

Shahar Kengashi deputatlari hududni obodonlashtirish va yashil makonlarni kengaytirish masalalari doimiy e’tiborda, qaror ijrosi to‘liq ta’minlangunga qadar nazorat ishlari davom ettiriladi.